CARA ERTUTUR IBAS KALAK KARO

Ibas kalak Karo biasa lit bagi sada kuan – kuan, nina : “ADI LABO BELUH ERTUTUR, TENTU LABO IA SIAT KU JAPA PE”. Gelah banci si petandeken dirinta ku kalak sesama Karo, janah kalak pe perlu si tandai, dalinna emekap arah ertutur. Emaka ertutur seh kal perluna ibas kalak Karo.



Katawari pe adi lit dua kalak, kalak Karo jumpa, adi langa si betehen orat tutur si pemena lebe ilakoken emekap : ertutur, sebab arah penturken nge maka dat orat perkade – kaden sue ras aturen adat Karo. Si orati lebe merga jenari bebere, janah adi la dat orat tutur arah merga ras bebere, banci iorati pe seh ku binuangna ras solerna. Emaka adi la dat orat tutur si pasti, ikataken ; nimai dat ganjang terukna, tah pedauh – perdeherna perkade – kaden ibahan me lebe enimpal. Sebab adi orat tutur ibas suku Karo, usur lit pe gancih, umpama sekali enda si a jabu kalimbubu, tapi ibas kerja/pesta adat sideban banci nge ia jadi anak beru ka.



Cara ertutur ibas kalak/suku Karo lit 3 erbage :

1. Ibas sada paksa jumpa si Atan ras Benana (contohna), reh nina si Antan : “Mejuah – juah, kuakap kita langa bo pernah si tandan ari? Erkai nge ndia tuturta? “, nina.

Ijawab si Benana : “Payo, kuakap pe bagi katandu e nge. Apai/kai dage mergandu? “, nina, Nina si Antan : “Aku Tarigan, beberena bere Karo Reh nina si benana : “Adi bage kai nge ndia si bahan tuturta ari? Kam apai kin mergandu ras beberena”? “Mergangku Ginting, bebere Tarigan aku, “nina si Benana. Emaka reh nina si antan : “Adi bage, si mehulina ersilih me lebe sibahan ope dat ganjang terukna, emaka inget – inget kam, gelarku si Antan, permendu ndai si Maria gelarna, kutanta i Sukanalu, sebab la kap tandan perdalin, adi kempak ah kam, reh kam ku rumah, rumahta i kesain rumah suku”.

Ibas pertuturen si das enda ndai, arah merga ras bebere si dua kalak enda ndai minter dat orat perkade – kaden, emekap : ersilih.

Lit ka deba adi i orati merga Karo – Karo beberena Sembiring. Jadi ibas bagenda rupana erbahan orat tutur biasana/lit i singetkenna sada jelma si i tandaina ibas sada ingan/kuta temanna ertutur e.



2. Nina si Pengarapen (misalna) : “Kuakap kita langa bo sitandan ari? “Reh nina si Tampe (misalna) : “Langa bo kuakap kita ngerana pe. E gia, kai kin mergandu? Nina Pengarapen : “Aku Ginting mergangku, beberena Tarigan. Dage erkai me orat tuturta? “Ijawab si tampe, nina : “Mergangku Karo – Karo, bebere Sembiring. Adi arah merganta ras beberenta e duana langa lit orat tuturta, emaka …. Kai….dage binuangna (bebere bapanta)? “Perangin – angin, sebab binuang (bebere bapa) pe Perangin – angin ka nge “Dage ersenina me lebe sibahan ari?” nina duana. Jenari sijbapen ka ia duana : “Senina me lebe sibahan nimai dat orat terdeheren.”

Ertutur banci ilakoken antar si dilaki ras dilaki, entah antar diberu ras diberu, bage pe banci ka nge ku … sekalak dilaki ku sekalak diberu. Sebab arah pertuturen e dalin maka kerina kalak Karo enggo dat perkade – kaden.

Emaka adi jumpa ras ise gia. Tah langa si betehen orat tutur tah langa si tandan, arus ertutur lebe. Perkade – kaden ibas sukur Karo, labo arah litna pertuturen saja. Tapi lit ka nge sitandan erkiteken sada kuta. Arah sekolah ras sidebanna. Tuhu langa si oraten tutur tapi enggo jadi kade – kade. Bage gia adi sesama suku Karo, terusken ka gelah ngorati orat tutur, gelah reh mantapna perdauh/perdeher perkade – kaden.



3. – Adi sapih – sapih kalak Karo jumpa, tapi langa si betehen orat tutur, gelah si etehen orat tutur, ertuturlah lebe. Terlebih – lebih man anak perana ras singuda – nguda adi langa si tandan, seh kal perluna si oraten tutur lebe, maka i mulai ngerana – ngerana gelah enggo i eteh lebe orat tutur pekepar

- Entah kuja gia kari ranan e sehna, adi enggo leben si betehen orat tutur tah biak erturang tah biak erimpal, ope leben ieteh maka adi erturang lanai lit ranan kanak – kanak/jagar – jagar. Sebab adi dat maka temanta ngerana e si ndeherta kin, tentu enggo ka ieteh njaga ranan.

- Gelah ola kari enggo leben si ngenan ate, tapi adi arah orat labo dorek erkiteken erturang umpamana. Tah erturang impal kin, tentu sama – sama kecewa. Emaka perlu kal si oraten tutur lebe. Cara ertutur pe me lala nge erbagena, tapi tujuanna sada nge, emekap : gelah enggo si betehen orat tutur. Sebab adi sesama kalak Karo, anem ijapa pe ia eringan tah erdahin, adi ioratilah lit denga nge kerina pertalin, perkade – kaden. Emaka perlu kal adi jumpa kenca, leben si oraten tutur.







Si perlu lebe iorati emekap :

Adi sekalak anak perana jumpa ras sekalak si nguda – nguda langa si etehen orat tutur, maka arus ertutur lebe. Carana pe, si anak perana nge lebe nungkun/ngorati si nguda – nguda e, ertina si berinisiatif menurut adat Karo,si dilaki nge. Nina : “O turang….ma banci nge kita ertutur? (si oraten tutur)



Si perlu lebe iorati emekap :

Adi man si diberu :

a. Beru kai dage kam? Ertina Merga Bapa

b. Beberena? Ertina Beru Nande.



Adi man si dilaki :

a. Apai dage mergandu?

b. Kai bere – berena?



Adi kenca ieteh merga ras bebere pekepar pe, langa bo dat perkade – kaden si ndeher, emaka iorati :

a. Kai binuangna (bebere bapa)

b. Kai solerna (bebere nande)

Sebab biasana arah pertuturen si dua tingkat e lagia enggo me dat orat tutur, emekap tah : rimpa, ersenina arah bebere bapa, tah adi arah nande ersenina seemeren nande. Emaka perluna maka adi langa si tandan, tah langa pernah sioraten ertutur me lebe dalin si tandan.







2. Contoh sideban umpamana :

Sekalak anak perana jumpa ras sekalak singuda – nguda, perbahan langa si tandan, anak perana nge lebe nungkun. Nina : “O turang….ma banci kita si oraten tutur? “Jenari ijawab si nguda – nguda ndai : “Banci”, nina, emaka iterusken percakapen ndai :

(A = Anak perana, S = Singuda – nguda)

A : Beru apai dage kam ?

S : Aku beru Karo

A : Bere – Berena?

S : Bebere Sembiring

A : Adi bage erkai dage orat tuturta?

S : Kai kin mergandu?

A : Mergandu Ginting

S : Bere – berena?

A : Bere – bere Karo

S : Adi bage erkai dage orat tuturta?

A : Adi la kam me hangke rimpal kuakap kita

S : Ngkai maka me hangke adi bage kin seharusna.

A : Piga kam sembuyak?

S : Telu, pe – empatken ras kam

A : piga kam impal kami si diberu?

S : Sada aku ngenca

A : sintua, si ntengah, tah singuda kam?

S : Aku sintua

A : Kuh denga kin orangtuanta?

S : Kuh nge orantuanta, tapi mesera – mesera kal

A : Ija kin ingan orangtuanta?

S : I Kabanjahe Jl. Kapten Bangsi Sembiring, reh kam

A : Lak !….kuga pe reh nge aku, adi enggo lit katandu mehuli bagenda

S : Kam kaka piga kam sembuyak?

A : Enterem kal agi, lima aku sembuyak pe – enemken ras kam.

S : Kam sintua, sisntengah, tah si nguda?

A : Aku singuda, emaka erkaka nguda kam man bangku.

S : Ue kaka nguda……..



Bage me cara ertutur idur kalak/suku Karo adi kin perjumpan si la iarap tah ikataken jumpa i tengah dalin, tah idas motor/kereta api tah i datas kapal tah i Bandar Udara, ras tah ijaga ia pe adi lit perjumpan.


PANTUN IBAS ANAK SI NGUDA



1. Cike paku langgendu.

Tangke lenga mbulak kujaba

Mejile kap aku atendu.

Jilen denga rupa kubaba



2. Meganjang tuhu deleng Sibayak

Ngincuah dalan ku Pancurbatu

Man bandu aku labo terayak

Megi sorandu persatan bat



3. Isuan jaba itepi ju mandu.

Tuhu medalit dalan ku Kaban

Natap rupandu megi sorandu

La kuakap lit dalanku atan



4. Merembo nina si urat tuba,

Batan gula tuhu er – rirang

Adi enggo me kita jumpa

Ola nai min kita sirang



5. Nangkeng – nagken ku rumah liang

Ngincuah nina dalan ku Penen.

Adi sempat me kita sirang

Lanai ku eteh sinan tendengen



6. Jabi – jabi iteruh mandiket

Tabah buluh cinepen kutiki

La erngadi – nadi kena kuinget

Adi tunduh ke ibas nipi


DALIN GELAH ANAK PERANA DAN SI NGUDA – NGUDA JUMPA

1. CIBAL GELUH ANAK PERANA PAKSA SI DEKAH

a. sekalak si ikataken anak perana adi dagingna enggo mbelin. Enggo mulai turah gumsina ras mbulu kikilna, sorana enggo lit pergalangna, enggo ngasup ia raron ku juma. Paksa bage anak perana e la banci medem berngi i rumah, tapi ia medem i teruh, eme bas sapi page entah pe sapo sideban, si i gelari jambur entah pe surambih

b. Adi nupung i rumah ia, perkundulna deher dinding, i tengah. La banci ku juli ras ku suah deher labah. Adi jabuna jabu tengah, perkundulna i deher labah. Adi jabuna jabu tengah, perkundul na i deher beleng jabu, tapi tengahna ibas labah nari ku ding – ding arah julu.

c. Anak perana arus ikut muat bagin nampati bapa – nandena alu erdahin ku juma, tambah sie, gegehna ku juma banci muat penukur isap ras uisna. Lit ka pe deba anak perana encari arah ermakan kerbau ras lembu. Anak perana banci ikut ibas terpuk aron, banci ka endahin usur – usur si sada. Adi aron ia, si maba nakanna ras ugas – ugasna ia mabasa, anak perana si la ikut bas terpuk aron, banci nge ia ikut muat bagin ibas sada – sada kerja, entah pe lakon si ibahan bas sada – sada kuta. Tapi adi lakon sada – sada aron ia la banci ikut jadi sukut, tapi adi si bage temue itenahken banci saja.


2. CIBAL GELUH SI NGUDA – NGUDA PAKSA SI DEKAH

a. singuda – nguda adi ibas kalak Karo eme situhuna asam si mbelinna kerna nampati nande bapana erdahin ku juma. Si nguda – nguda erdahin ku juma banci ngikutken aron, dahin si nguda – nguda seh buena, mulai dahin i juma, ngelegi lau, nutu page, erdakan, mere asuhen, murhi perpangan, naptapi, ertenun tah pe mbayu. Adi paksa ia i jabu nande – bapana i rumah si waluh jabu, perkundulna arah suah, deher papan tonggal. Sebab ia si nampati nandena erdakan tah nanggerken si debanna. Tambah sie, adi reh kari bapana ras turangna lanai lang – lang erdalin ku bas inganna kundul. Singuda – nguda la banci dua – dua ras bapana bage pe turangna si anak perana i rumah. Adi bapana tah turangna sangana i rumah, isilahkenna alu erbahan dahin si deban, tah pe nusur i rumah nari. Banci ka nge bapana ras turangna nilah, tempa – tempa lit dahinna si perlu teruh entah pe i kesain.

sumber : geocities.com/putrakaro

Budaya Karoshi, Budaya Karo - sejarah marga-marga, Budaya Karo ibas terang kata dibata, Budaya Karo kerja tahun, Budaya Karo pdf, budaya batak karo, sejarah Budaya Karo, seni Budaya Karo, budaya adat karo, budaya tanah karo, artikel Budaya Karo, budaya suku batak karo, lagu budaya batak Karo mp3 download, budaya adat batak karo, sejarah budaya batak karo, seni budaya batak karo, Perkembangan budaya batak karo, makalah budaya batak karo, unsur budaya batak karo, cerita Budaya Karo, contoh Budaya Karo, budaya daerah karo, filsafat Budaya Karo, jenis Budaya Karo, budaya kabupaten karo, budaya khas karo, budaya kalak karo, sosial budaya kabupaten karo, kesenian budaya karo, gambaran sosial budaya kabupaten karo, keragaman budaya karo, lagu budaya karo, mengenal budaya karo, makalah Budaya Karo, budaya orang karo, pengertian Budaya Karo, pantun Budaya Karo, radio Budaya Karo, pesta Budaya Karo, acara Budaya Karo, musik Budaya Karo, situs Budaya Karo, situs Budaya Karo, website Budaya Karo, tarian Budaya Karo, tenah Budaya Karo, tentang budaya karo.

mp3 lagu karo, lirik lagu karo, lagu karo mp3, lagu perjabun, lagu pengantin mp3, lagu pengantin teks, lirik lagu pengantin karo, download lagu karo, festival lagu karo, teks lagu karo, lagu pengantin karo, lagu pengantin karo mp3, gratis dowload lagu karo, 

Masyarakat karo tempo dulu, Masyarakat karo terobos mendagri,  Masyarakat karo demo bupati, himpunan Masyarakat karo indonesia, tokoh Masyarakat karo, demo Masyarakat karo, sejarah Masyarakat karo, tradisi Masyarakat karo, cerita masyarakat karo, legenda Masyarakat karo, masyarakat adat karo, agama Masyarakat karo, himpunan Masyarakat karo, karakteristik Masyarakat karo, kepercayaan Masyarakat karo, karakter Masyarakat karo, kekerabatan Masyarakat karo, asal usul Masyarakat karo, latar belakang Masyarakat karo, sistem kekerabatan Masyarakat karo, organisasi Masyarakat karo, masyarakat tanah karo.